ياللي تكبر مايفيدك تكبرك=حتى لو انك ترتفع لك شويه
كلن يعرف اقصاك والناس تخبرك=ومعروف ما قدمت حسنه وسيه
لكن ترى الاسباب تعرف وننذرك=ومنها سبب واحد له الاغلبيه
أكيد ناقص والضعافه تحاصرك=وتبغى تزود ولا تعرف القضيه
تشوف نفسك والنتيجه تخسرك =وآكيد تاليها تحصل رديه
الكبر لله ربك اللي مصورك=هو الذي متصرف «ن» بالبريه
اللي اليا بانت خفاياك يسترك=مالك سواه يحط عنك الخطيه
والا الكبر مهما فعلته نحذرك=ونقول لك غلطه تراها قويه
الكبر خلا كل رجال يحقرك=وتصير دايم ملتحف لك زريه
هذي نصيحه والتجارب تخبرك=عساك تفهمها بنفسن رضيه
وان ما فهمت وجيتنا في تكبرك=خذها من اللي كلمته واقعيه
دامك تكبر والله اني ماقدرك=والله لتبطي ما لك المقدريه