لاقمت ادير الفكر في وضع الامه=يخج قلبي خنجرالغبن والبين
شبابنا يمشي على غير يمه=يتبع هواه ولاتهمه فلسطين
يركض ورى الكوره وهي جل همه=ويتابع الكوره بلندن وبرلين
اليا انهزم فريقه يفور دمه=وليا انتصر كنه نبتله جناحين
واللي بوسط السوق يضبط معمه=وينشر محابيله على كامل الزين
مافيه ذرة مرجله وسط دمه=ضعيف نفس ومغويته الشياطين
واللي يجيب الكارثة والمطمه=ويكتب كلامن مثل حد السكاكين
مسخر اقلامه لذم الائمه=يمشي على درب الخساس المغلين
هذاك جعل العافيه ماتخمه=غادي ويتبعله من الناس غادين
الغرب ينشر عبر الاعلام سمه=وناسن تعوانهم ولاتنصر الدين
ياكيف نرقى بالبلد كل قمه=لاصار عن هدي الصحابه بعيدين