اشتاق لك شــوق البـحر لـــشواطي
عمرك تشوف البحر يهجر شواطيه؟
مقـــدر على فراقك ولاني بسـاطي
يـاروح روح الـروح يــا عمر مغليه
الله عطـــاك مــــن الوداد احتياطي
يكفيك والعـــــــالم حرامً إن يغطيه
ربطني بـــوده وثــــيق الــــرباطي
مسيسً مبناه داخـــــــــل مـحانيه
مابيــــــع في ودك ولاهو بعــاطي
الله عطــــــاك من الغلآقدر معطيه
سطاعلى قلبــــي من الودساطي
واحتل فكري والآحــاسيس تتليه
لبستك اوسمة الغـــــلا والنواطي
انت الاميــــر بقلب حي/ن/معنيه
قلبً خــلامن غير ودك وحاطي
الا محـــرم غيركم مـــــايـرآعيه
لقط ارسال الــــود منك لـــقاطي
وغنا علـــى موجة غرآمك بغانيه
الــــي حصل ماهو بجمع النقاطي
الله عطــاك من الغلا وأنت زآهيه
يامن غرامه في خــفوقي تعاطي
حبٍ صـــــدوق ولالنا قدرةٍ فيه
عليت قـدره عن ضعيفٍ وواطي
في نون عينٍ لاضما دمع تسقيه
جفنٍ غطا ودك وجفن بــساطي
وعـن نظرةالحساد رمشي يخفيه