ياروح روحي كل ماجيت يمك=حالوا مقاريد العرب بين الاحباب
اولهم امك حسبي الله على امك=دايم تقل حارس على سدة الباب
ابوك مات وصار واليك عمك=لاشافني بالحي كشر بالانياب
ياحض منهو تالي الليل ضمك=في ليلةٍ فيها هل الحسد غياب
لين يتمازج ريق فمه بفمك=يروي عطش قلبٍ من الحب منصاب
اليا فهق ليلك وحطك وزمك=بين العيون وبين غض النهد غاب
ياورد بعثرك الزمن ثم لمك=بحضان من قاسيه من حبكم ذاب
بوارجه قامت تزاحم بيمك=عسى لهن مرسى بزينات الاهداب