همس القوافي =
سلام مثل العسل مجنـاه = ينصاك يالحازمي ماهـر
لي قلب حار الاطبه فـداه = واشقى معه طرفي الساهر
ماهر ابو خالد =
ترحيب عذب السلام اغناه = يبقى على مدكـم ظاهـر
والطب فالمعضله لو تـاه = لمجربين الهـوى جاهـر
همس القوافي=
المشتكي ما عرض شكواه = وابدى لكم حاله القاهـر
الا لانـه عجـز فـدواه = وانته فطب الهوى ماهـر
ماهر ابو خالد=
الان بسعى معك واقراه = مكتوبكم والاثر زاهـر
ومن قدم الاه بعد امضاه = ما يجيه فالمحكمة ناهر
همس القوافي=
سعيك معي ما اتضح مجراه = لامساير الخـط ولا ظاهـر
عجل ترى آخوك فمعانـآه = قـدام لا يحـول الـزاهـر
ماهر ابو خالد=
وين السبب فالذي اشقـاه = يا خوف جوّه لكم باهـر
وجرح الهوى منهم ترضاه = حرصا على وده الطاهـر
همس القوافي=
لي قلب يشكي من المأساه = وعليه سيف الآسى شاهر
من خل محتار كيف ارضاه = عنيـد مغـرور ومجاهـر
ماهر ابو خالد=
ذا قول من لا حسب ممشاه = يا فاقد الـدرع لا تظاهـر
ارضخ لداني الهوى واقصاه = يضحك لك الود ويساهـر