المشاركة الأصلية كتبت بواسطة سعد المحمدي

قــم يانديـبـي فــوق غـالـي مثـامـيـن= مــن دولــة الـيـابـان جـابــه وكـيـلـه
تــوه وصــل للمملـكـة قـبـل يـومـيـن= ياعـاشـق الفكـسـار بــا شــة مـديـلـه
مصـمـمـه عـالــم مضـتـلـه بـراهـيـن= عـلـيـه مـابــه حـــا جـتــاً مستحـيـلـه
يحاولـون الغـرب صنعـه مـن سنـيـن= وعجـز خبيـر الـغـرب يصـنـع مثيـلـه
اقطـم خشـم يـشـدا لـفـرخ الشياهـيـن= لينـصـرم مــن رأس عـيـطـا طـويـلـه
اليا اعتـرض ولا عطـا يسـار ويميـن = مـثـل الهـنـوف الـلـي تـكـد الجـديـلـه
لاشافت العاشـق مشتلـه علـى هويـن= قـامـت تـمـايـل خـصـرهـا وتخطـيـلـه
ولـيــا ركـبـتــه مـركـبــاً لـسـلاطـيـن= بـعــد المـسـافـه مـاتـطـلـع حـصـيـلـه
قـدام لا يطـلـع سـنـا الصـبـح ويبـيـن= عـلـيـه أبـرســل لـلـعـوارف دلـيـلــه
برسـالـتـن مضمـونـهـا يالفهـيـمـيـن= كــلام ســري مـــن زمـيــل لزمـيـلـه
يأبـو طـلال اسمـع ولا شفـت بالعـيـن= ومـلــف دعــوانــا عـلـيـكـم نـحـيـلـه
أنـشــدك مـانــي نـاشــداً للبـعـيـديـن= والـعـلــم مــــن راعــيــه ياحبـتـيـلـه
عن وضع مصفوط الرجال الصفيطين= زمـل الحـمـول الـلـي تشـيـل الثقيـلـه
هـــي مقـبـلـه يافاهـمـيـن الـقـوانـيـن= او مــدبـــره يـاكـاسـبـيـن الـنـفـيـلـه
عقـاب ليـل وقبـل صــوت المـواذيـن= جــاب الخـبـر رجـــال رافـــع شلـيـلـه
يـقـول فيـهـا راحــو الـقــوم مقـفـيـن= الـحـق وحــل الـوضـع بـيــا وسـيـلـه
لامكذبـه لامـصـد قــه بـيـن الامـريـن= وسقـت الركايـب بيـن عـدلـه وميـلـه
بلـشـت بالصاحـيـن قـبـل المجـانـيـن= مـعـادلـيــن الـهــيــل بالـزنـجـبـيـلـه
ومــر وأدهــا كـبـت عبـيـد لحـسـيـن= مــدام د م حـسـيـن نـفــس الفصـيـلـه
اقـبـل بعـيـد وشـفـت قـفــو قريـبـيـن= المشكـلـه بالـسـيـل مـــدري مسـيـلـه
حضـي بـري ماخمـن الهـرج تخميـن= وخـيـر الـكـلا م الـلـي يـقــد م دلـيـلـه
ولديـت عيـنـي فــي سمـانـا النجمـيـن= وبكـيـت مــن جــور اللـيـال المهيـلـه
غـابـو وغيبـتـهـم تـهــز الـمـوازيـن= ولاكــل نجـمـن غــاب يطـلـع بـديـلـه
ثالثهـم اللـي وسـد الــراس خمسـيـن= وان غــــاب فـيـنــا لاد ور عـقـيـلــه
لــو الفـشـق يالـقـرم مـلـي الكراتـيـن= الـفـرق بـالـبـارود يـاهــل الصمـيـلـه
مـن بعـد ماكنـا علـى العـرش واسيـن= ون بـيــن لانـــاش الـزنــاد الفتـيـلـه
الـيــوم فـيـنـا طامـعـيـن المـسـاكـيـن= الحـمـل مــال وكـيـف نـقـدر نشـيـلـه
ارسلت لك مـن ورد خضـر البساتيـن= بـاقـه عليـهـا غــلاف شـاعـر قبيـلـه
خـلــو علـيـهـا غـلافـهـا يالفطيـنـيـن= لاتــروح دعـوانـا عريـضـه طـويـلـه
لاتفتـحـون اقـفـال بـعـض الدكـاكـيـن= إن شـلــت للمـفـتـاح جـــود مشـيـلـه
مايلـدغ المؤمـن مـن الجـحـر ثنتـيـن= والـبــرق لاقــفــأ حـسـافــه تـخـيـلـه
لاعميت عين ولا جرحـت الحجاجيـن= شطرت عـن طعـن السيـوف الكحيلـه
تمـت بعـون اللـي خلقنـا مــن الطـيـن= والـهـرج يكـفـي عــن كـثـيـر قلـيـلـه