المشاركة الأصلية كتبت بواسطة تركي عبدالله البشري

أبو مره=
يامرحبا إن كنت تقوانـي=وفي ساحة القيل ماتجهل
منـي معانيـه مجانـي=وأشرحلك الدرس لو تسأل
بيان الصمت=
تبقى وعلى الطيب تلقاني=للعلم بيبـان مـا تقفـل
دايم على نفسه الجانـي=اللي على النصح ما يقبل
أبو مره=
نكّسـت روسٍ تحدانـي=أقلامهم كالسيوف تسـل
لي سيف صارم ويحماني=بتار قاطع أبـد ميـزل
بيان الصمت=
العلم شانه أمر ثانـي=واليوم ماهو كما الأول
ولا اظنه القول يعناني=ما دمت بالنفس تتمثل
أبو مره=
لجل أيش كسرة أوزانـي=وشموخ رضوى عليك مطل
مجناه من راس ورقانـي=بالله قلـي وعطنـي حـل
بيان الصمت =
النور فالقلـب دخلانـي = وبدونه الشوف ما يكمـل
وارجع لحرفي وتبيانـي = تلقاه ياتي على المفصـل
يعطيك بالحـال برهانـي = لاجل اني اطلب لك الأفضل
وان ما فهمته مهو شاني = خطك سبب فالذي يحصل