الحب الباقي=
سلام ياحر في مرباه= محسوب من خيرة ارجاله
ابغاك توصف لي الماساه = القلب وش غير احواله
خالد اللهيبي=
ترحيب يمشي على مبداه = ياحر فالحيد منزاله
يازين قوله لمنهو جاه = وفغيابهم غير اقواله
الحب الباقي=
وشهو السبب فالذي سواه = شوفوه ويش الذي جاله
يمكن خطا من بعد ماجاه = فالنفس من بعدها شاله
خالد اللهيبي=
بيني وبينه عباد الله = بالقن وفيت معداله
سنين مثبوت ماسواه = صابر على خبث افعاله
الحب الباقي=
انكانه الطيب ماكفاه = دايم مع الشر يبراله
خله ولابد مايلقاه = ويرميه في اقبح اعماله
خالد اللهيبي=
اللي فدرب النقا ممشاه = والخير مده ويسعاله
ماخاف لو يكثرون اعداه = وفغيابه الناس تحماله
لاكان واقف ودون حماه = لاجاه خصمه بيغتاله
يقوله اللي شرح معناه = وعمه مجود كما خالـه