نظمت شعري والشعر هزل وجزال=ومن يبدع الجزله يبشر بتاييد
وانا بدعت لشيخ تضرب به امثال= الشيخ عبدالله عسى عمره يزيد
شيخ يروم الطيب في كل الاحوال=وفي مدح مثله مالحقني مناقيد
اابمدحك ولا على مدحك اجدال =ابمدحك والشعر في مدحك ايزيد
انت الوفا والطيب ياطيب الفال =وانت الكريم وانت للطيب تحديد
ان قلت نبع الطيب فاول ومازال= اقولها وعندي على القول تاكيد
وافعالك الجزله تغيض ابها الانذال = وتغيض منها كل ناس حواقيد
ومدة يمينك بالكرم تقطع اميال = ياراعي الفزعه لمن صكه القيد
خلدت صيتك بالمكارم والافعال =واللي ماهو مثلك على ربعه فقيد
شرواك ابيض وجه مهما الزمن طال=يوم ان وجه الوقت شيب وتجاعيد
حييت ثم حييت يانسل الابطال =واليوم هذا عندنا يعتبر عيد