المشاركة الأصلية كتبت بواسطة سلطان الفريدي

ياهاجسي حضر جزيلات الأشعار=ثم صبها بالفكر دانه و دانه
من شان منهو لاتساوا على القار=شفت المواتر قايمه بتبعانه
بي أم دبليو شوفته تسحر أنظار=منهو يشوفه قال سيد زمانه
ماهو بكفو ينافسه جيب فكسار=واللكزس يساره تشوف إرجفانه
والبورش والجكور عيالن له صغار=والبنز لاشافه يوقف مكانه
هذا بي أم يطوي كثيرات الأمتار=في سرعة الإيرباص وقت طيرانه
مكيـنـته بالأحصنه رقم جبار=تسعة ميه وتسعين هذا ضمانه
إليا لمست البنص يتفجر إعصار=مثل التسونامي بقو اهيجانه
مايركبه خكري وداشر وثرثار=أكبر مفاخرهم مخاوا ديانه
اللي ليامن ضاق سير على البار=وشفت البني مجلسه في وزانه
ما يملكه ياكود وافين الأشبار=شيوخ قوم(ن)كل أبوهم تكانه
وبالثروة أضعفهم ثلاثين مليار=في سويسرا موجودة(ن)بالخزانه
وهامور الأسهم بالزراعة وبإعمار=والراجحي وسابك وعنده حصانه
نصه لرجل(ن) مايحب التإخار=ولد الحرار اللي وسيع(ن) بطانه
ثامر زبون المرجله نسل الأحرار=اللي سعى للطيب في كل خانه
قله ترى سلطان صابته الأضرار=بأسباب من جسمه تقل خيزرانه
مهره ولكن غير عن كل الأمهار=أصيلة(ن) بنت الرياجيل دانه
لكن أهلها سافروا لأبعد أقطار=يم الجنوب وراح قلبي بأمانه
قلبي تعب والعين عاشت بالأمرار=حتى لذيذ النوم عفت إرقدانه
الله يحرمها على دخلت النار=ويردها يمي وأعيش بحنانه
هذا ترى حالي ومافي بالأفكار=سطرتها بأبيات شعري مصانه