==
==
==
يامنوتي قلبي من البعد مقهور = وش حيلتي لامي تعلق بالاماك
أضحك ولكن ضحكتي مابها سرور= مزون همي أمطرت ضيم فرقاك
واسقت صحاري غيبتك بالحزن جَور=قلبي وانبت من زهوره لي أشواك
اشتقت لك وأنا من الحال مأسور = ودي أغمض وافتح العين والقاك
ليل الهوى في غيبتك ماله حضور =والشوق في دربك سكن ويتحراك
رحل معك يوم الوّله عاش مقبور = والود حي وفاقد الوعي يبغاك
جفت ينابيع الأمل مالها ظهور = وصارت كما الصنبور شحت برؤياك
هذي حياتي وانت مني خذ الدور = واشرح لي إحساسك بعد مافقدناك