بسم الله الرحمن الرحيم
السلام عليكم ورحمة الله وبركاتة
القصيده المتواضعه التاليه اثناء زيارتي لمعرض الملك خالد بن عبدالعزيز طيب الله ثراه
امل ان ترتقي ولو للجزء اليسير من صفاته رحمه الله كما امل ان تحوز على رضاء القاري الكريم
سلام يا معرضن تستعرض الماضي = وتاريخ من يشهد التاريخ با فعاله
افعاله يبيضن الوجه تبياضي = الصادق اللي بفعله يثبت اقواله
سحاب غيثن بروقه بالدجاء تاضي = واروى كبود الضوامي عذب هماله
خيره على كل شعب المملكه فاضي = ورحل وحبه وتاريخه على حاله
ما ستيسر اقلوب خلق الله على الفاضي = الا بعدلً يقوم الحق بضلاله
حراً نهض بالوطن والدين منهاضي = يستر منه الصديق وينشرح باله
وعلى عدوه يضيق سبع الاراضي = واسلاحه الصدق والتوحيد ورجاله
خالد عسى خالد بجنة عدن راضي = ويضاعف الله مثوبة صالح اعماله
في ساعةً مابها غير الولي قاضي = ياجعل خالد جنان الخلد منزاله
الحاكم اللي لدين الرب حفاظي = والشعب كله يعده حسبة اعياله
خالد ولد من لقاها اشتات وانقاضي= وجوعاً وخوفاً اوضعاً كان يرثاله
وجمع شتات الفتاه وزال الامراضي = يالين طابت وطاب الحال والحاله
يرضا رضاها ويوم تغيض يغتاضي = وشرب ثراها عدون شرب فنجاله
به طلعت الحر ومن الذيب مركاضي = عبدالعزيز المعرب عمه وخاله
عساه في جنة الفردوس ينعاضي = عند اللذي يوم اختاره عاض بانجاله