المشاركة الأصلية كتبت بواسطة محمدعبدالكريم

يا هـاجس الشـعـر والغالي هـو الغالي = وملقف الخـلق من يـنجح يـحـسـدونه
ولابي من أهـل الردى قدري ومنزالي = ولا يهـمني قـول حسـاد(ن) يـقـولـونه
وآنـا لــراع الـــوفـا عــدلـت مـعــدالي = لـن الوفي عـارف(ن) منزالي عـيـونه
نجمين عالـين في عـال الـسـما العالي = ولـكـل نـجـمـن لـمــيـع بـنـوره ولـونه
فـيـهـم تـحّـيـر مـفـاهــيـم العـرب تالي = شـلّـت لـهـا أفـكار مـبـلـيـه ومـغـبـونه
عــسى تـدوم الـســعـادة يا للي أبالي = ولا هان راس السّـطر ونـتم تعـرفـونه
يا غامـض الـبحر بك حـلي وتـر حالي = وصـل لي العـلم لصـحابه بمـضـمـونه
شـبـيـت نار الـدلال بصحـصـحن خالي = تقـصر خـطـا النذل وأشـباهه يطـبونه
ومع شـبت النار جبت الكيف والدلالي = صـفـرن تلالا تـشـوق اللي يـشـوفـونه
ما هــن بـغـاديـد رسـلان ٍ بهـا امـثالي = والـنجـر ماون قـلــيل اللي يحـفـظـونه
مـصـبوبتن من جـنيهـن ما هـو ريالي = فــرانـســيــن بــدوره مــا يــغــشــونه
ورثـتهــن عــقـب عــودن راح رحالي = في جــاه ربن جـمـيع الخلـق يـرجـونه
أكـرم لـه انــزل فـي عــلــيـن يــا والي = وبصـحـبة الـمصـطـفى للخـلد يدعـونه
عـنـا لـصـناعـهــن وأغــراه بـالـمالي = وحـيــد صـنـع الــدلال بــدقــة فــنـونه
وصـلحـت كـيـفي فعـل يـمـناي ولحالي = فـنجـال يــبـعـد عـماس اللي يـذوقـونه
آخــذت آنــا راحـتي وبـعــدت ولــوالي = واللي بـقـلـبي يا مصعـب فـتح كيلـونه
واقـع مجـالـس زمـان الـقـيـل والـقالي = ابـسـط مواضيعهـم عجزوا يحسـمونه
خـلـوني اسـج رجـلـي مـع خــلاً خـالي = وحـدي خلاوي واجر الصوت بلحـونه
لا شــلــت الاول لا الآخـر قـد تهــيالي = والصوت الاول تضاريس الخـلا دونه
لا نهـيت صوتي صداه تـشــيله جـبالي = تـلـج فــيه الـجـبـال الـســود يـوحـونه
لوصـمـو اسـمـوعهم ذا طـبع الانـذالي = طــبـعــلهـم طــبـع ربعـي مـا يحـبـونه
وطبعي على طبع ربعي روس ورجالي = راع الـنـقـا بـيـنهـم دايـم يحـشــمـونه