احمد حامد الزايدي
سلام الله سلامٍ من ظميرنٍ دوم عالي شأن=أسلم به على الوافيـن دايـم ماتعداهـا
وابن جمران يوم أنه نزل في ساحة الميدان=يغلق فالزوم اليـا نصتـه والا تنصاهـا
مضحي بن جمران
الا يامرحبابك يالمسلم والعلـوم سمـان=لعل نهاية علومك سـلامٍ مثـل مبداهـا
تعال نشوف والشاطر يرجح كفت الميزان=اليامنا لقينا الشاره اللـي زان مرماهـا
احمد حامد الزايدي
يدوم الك البقا وأقرر الحبـه علـى النيشـان=وعلم الطيب تبشربـه ليـا قـررت مبناهـا
حضرت وجيت يامضحي وأبشر لك قوي أيمان=ودامنـا عمرنـاهـا لــك الله ماهدمنـاهـا
مضحي بن جمران
ليا منا وجدنا للفعول الواضحـه برهـان=وجاد الاجودي حنـا فعولـه ماجحدناهـا
حضرنا وانتبه واخذ الحذر يالطيب الفهمان=وحصن في دفاعك خطة الهجمه رسمناهـا
احمد حامد الزايدي
فعول الأ أدمي ماتنجحد مهما يكون وكـان=لكن الطيبه مـن حظنـا حنـا كسبناهـا
ودفاعي دايمٍ جاهز وأنا عتيبي من العتبان=نصد هجومكم والمعركه ياكـم غنمناهـا
مضحي بن جمران
على كيفك تبيها بالسوالف دايم كسبـان=عوافي بس لاتنسى الحبوب اللي طحناها
تشجع ماتشجع يالعتيبي نرعب الشجعان=كبود نبلها وكبـود بالعانـي حمسناهـا