سلام الله سلامٍ من ظميرنٍ دوم عالي شأن=أسلم به على الوافيـن دايـم ماتعداهـا
وابن جمران يوم أنه نزل في ساحة الميدان=يغلق فالزوم اليـا نصتـه والا تنصاهـا

الا يامرحبابك يالمسلم والعلـوم سمـان=لعل نهاية علومك سـلامٍ مثـل مبداهـا
تعال نشوف والشاطر يرجح كفت الميزان=اليامنا لقينا الشاره اللـي زان مرماهـا

يدوم الك البقا وأقرر الحبـه علـى النيشـان=وعلم الطيب تبشربـه ليـا قـررت مبناهـا
حضرت وجيت يامضحي وأبشر لك قوي أيمان=ودامنـا عمرنـاهـا لــك الله ماهدمنـاهـا

ليا منا وجدنا للفعول الواضحـه برهـان=وجاد الاجودي حنـا فعولـه ماجحدناهـا
حضرنا وانتبه واخذ الحذر يالطيب الفهمان=وحصن في دفاعك خطة الهجمه رسمناهـا

فعول الأ أدمي ماتنجحد مهما يكون وكـان=لكن الطيبه مـن حظنـا حنـا كسبناهـا
ودفاعي دايمٍ جاهز وأنا عتيبي من العتبان=نصد هجومكم والمعركه ياكـم غنمناهـا