فوآز الزويهري=
تعال واقطف من الرمان=الطايفي يعجبك لونـه
والتوت ذوقه تراه جنان=من قبل لا تذبل غصونه
عزوز=
اعوذ بالله مـن الشيطـان=وش علمكم يوم تبدونـه ؟
حتى تبيّن لـي الالـوان=و كل لون يغري من فنونه
فوآز الزويهري=
الخير جايك من الرحمان=بالساير اللـي تعرفونـه
ولابد تخضع لغصن البان=كل مالهوى حرك اشجونه
عزوز=
العلم هاته علـى برهـان=و أعطيك بحساب مضمونه
من دون زايد و لا نقصان=حسب المعاريـف تلقونـه
فوآز الزويهري=
العلم مثل القمـر لا بـان=بالثانيـة أنتـم تعدونـه
ويصير صيدك من الغزلان=واسمك (بعزوز) يطرونه