المشاركة الأصلية كتبت بواسطة قابل البشري

	مشكورة نبض الوجود 00على الفكرة الرائعة والضيف الثاني 00 محمد سعد اليوبي 000 شاعر له جمهوره وعشاق حرفه 00وانا في طليعتهم وبالتأكيد ابوهاني سيمتع متذوقي الشعر مداخلتي الاولى 00 اريد ان تختار لنا قصيدة من قصائدك النبطية00المميزة تحياتي للجميع

َعَبَيْت مجنوني لبعض المجانيـن=أما رزين العقل عنـدي جوابـه
لكن بلايـه مكثريـن التلاويـن=اللي يخلطون الخطأ مع صوابـه
الله من بعض الرجـال الغرابيـن=سبحان منه ساتـره فـي ثيابـه
إليا انتصب خلته عقيد المياميـن=واليا نصاه الهرج ما يحيط جابـة
من قُلْ فوده يخلط الزين بالشيـن=وإن قال هرجٍ ما يحسِّب حسابـه
الرجل يُرفع فوق بالمنطق الزيـن=وياكم من رجـلٍ لسانـه غدابـه
ويا كم منـه لا بلتـه الملاييـن=عوَّد على بيتـه وقطَّـع طنابـه
حنا ظلمنا الوقـت أول وهالحيـن=والوقت ماله ذنْب ماصـك بابـه
لكن بلاوي وقتنا مـن مساكيـن=كلٍ علـى العيفـة يفتـل شنابـه
إليا نشدته قـال حنـا سلاطيـن=حنا هل العليـا عيـال الصحابـة
حنا فتحنا الهند والسند والصيـن=حنا لنا التاريـخ عـز ومهابـه
وفي الأخرة رحنا سُدى بين ثنتين=أمـا عبيـد المـال والا غلابـة
يقولها مخلوق ياربع من طيـن=وبكرة مآلة لانتهـى فـي ترابـه
ما كل منه طار مثـل الشياهيـن=ولا كل من يسري يعشيـه نابـه
وأكبر دليل اليوم راحت فلسطيـن=ولافيه من يلقى لرأسه عصابـة