حفيد الجيري=
اِذا الأمـل عاكـس الـواقـع=في شـارع الصبـر لـه دوّار
الرايـح أيّــات والـراجـع=والأفضليه لمن ...... محتار!!!
كحيلة حرب=
اشرح لنا كيف يا البارع=كيف الصبر ياخذ الدوار
وهجوم الاحداث متسارع=انا اتوقع عليه اخطـار
حفيد الجيري=
لا صار خط الصبر واقـع=ما بين يأس وأسى واِصرار
سؤالنا ؛ منهـو القاطـع؟؟=اللي بعكس اتجاهه ... سار
كحيلة حرب=
مايعكس السيـد والشـارع=نظام صادر عليـه اقـرار
وإن كان صبرك مهوطايع؟؟=جنب عن الكايدة واختـار.
حفيد الحجيري=
جيتي علـى جرحنـا النابـع=من رحم بند النظام العـار!!
الصبر من شاري.. ل .. بايع=والريح يلقاني .. الإعصـار"
كحيلة حرب=
جرحك اسبابه مـن الواقـع=ونظامنا أمـر لـه صـادر
مافيـه تدقيـق ومراجـع؟=فوضاء.؟تعدي.؟وفيها اكبار
ماذكر انا الصبر له بايـع.؟=ولاشرينا وبأعلـى اسعـار
دنيـاك هـذه تبـي قـانـع=من دون تسأل وش الي صار
وإذا اعترضكم حـدث مانـع=اسجـد لربـك هـو الغفـار