المشاركة الأصلية كتبت بواسطة بخيتان البشري

ياللي تدور حق لاجيت طلاب = العلم له مخراج من بعد مدخال
راع الخطأ لو كان واحد فالأصحاب = دور معه والحق مايزعل رجال
وشرهتك لاوصلتّ لصاحِبك للباب = وعطاك مد رجال لاتكثر جدال
إن كان هذا عرف العرف وش جاب = عقدت حبلك وانت منته بحلال
يالمدعي لو كان دعواك فخطاب = تركت مد ورحت تجري ورى امثال
اصبحت مع فكرك وبالنفس مرتاب = لين الدعاوي صارت الوان واشكال
جاريت عقلك قلت ببذل لك اسباب = اجيك خطوة وانت تبعد بي أميال
قيست عرفك وإن عرفك تقِلاب = يشيل ماحطه ويحط ماشال
لكن عرفك حسب ظني معك طاب =ولايستمع مجنون في علم عُقال
الطيب في مجناب واعطيت مجناب = ولا ودي اقصرها على كل الأحوال