المشاركة الأصلية كتبت بواسطة العبيدي

ابو سآلم الرحآل=
للملتقى ومستشار القـاف=سلام ترجـح بـه الأوزان
من شوق زايد معى اضعاف=حررتـه الحـرف للربـان
نآصر الحجوري=
مني ومن طاقم الإشـراف=ترحيـب ياحضرةالربـان
لاّ جئت حرف المعاني ناف=ولاّ غبت يشتاقك الميـدان
ابو سآلم الرحآل=
تكميل ياطيب الميقـاف=وهذ لكم طيلة الأزمـان
والآن شاهدمعى مايشاف=فى ود تدمع عليه اعيان
نآصر الحجوري=
مكسبك من ورثّة الاسلاف=خلاك شاعر فصيح لسـان
فاهم وعندك نظر كشـاف=و مثلك مايخفى عليه الشان
ابو سآلم الرحآل=
ماضن ترضا عليه اجحـاف=والود تر ضا عليـه يهـان
وانته رجل تعرف الأنصاف=ومحسوب واحد من الفرسان
نآصر الحجوري=
الود مارضى عليه خلاف=له زهمّته داخل الوجـدان
لوكان يوصل شفى مهياف=اوقف معه وقفت الشجعان
ابو سآلم الرحآل=
ماتشوفه اصبح شكل واهداف=وسار من زود فى نقصـان
وكلاً بضنـه هـو العـراف=ولايشوف غيره على السكان
نآصر الحجوري=
ياعايش الود لو ينعـاف=عفناه يوم الموادع حـان
ولاّ تلومني لو تراني كاف=البعد ارحم من الإذعـان
ابو سآلم الرحآل=
الى متى والسنين عجاف=ومن المحل يشكى العربان
ومنهو تخلى عن الميلاف=مخطى وفى عرفنا يندان
نآصر الحجوري=
ماكل خارف نخل خـراف=ولاّ كل ساعي بحر قبطان
اقولهـا والمثـل شفـاف=ماهو هوانا مثـل ماكـان
عزيزنا تحت ضغط اطراف=بقيادة محمـي الطيـران
واقف على دربنا سيـاف=ماهـو مسلـم لحـد الان