عِندي مع الناس طُولة بال=عن موقع النقص تحميني
ماهمِّني زُمـرة الجُهـال=مـادام عقلـي يقّدِّيـنـي

لولا إختلاف البشر فالذوق=والكُل محسوب لُه نظـره
كان السِلّع بايره فالسـوق=وعلى كِذا الحال في الكسره

صفو القلوب النظيفه مات=واليوم أخذنا التعازي فيه
ولاعاد باقي كثُر مافـات=يجبِرك تحزن على ماضيه

إذا أنفَقد فالكلام الفَقْـد=ماتفيد قيلة بـدل فاقِـد
قِدام توقع مكان النَقْـد=إحرص على رؤية الناقِد

أنا أحسِب إن الموده دار=تصون منهُ سكن فيهـا
أثر إنها مصيده من نار=أقلْهـا شـي يحيـهـا

بعض العرب صُحبتُه روتين=تاخذ معي وقتهـا وتفـوت
وإنته معايا ليـوم الديـن=مايرُدني عنْك غير المـوت

لا تجعل الكُره لك مقيـاس=ردآ على نـاس ماحبّـوك
بالطيب تكسب قلوب الناس=اللي بليا سبـب كرهـوك

شارِد من الهم للتنكيد=تايه وحزني يطاردني
ماعاد ليآ هوى فالعيد=لولا غلا من يعايدني

بُعدك عن العين حارِقني=لجلي على نار مِستنيـك
لكِّن إذا جيـت صدِّقنـي=بأنزِّل أقصى العقوبه فيك

بسألك لجل إيش تضحكلي=وإنت في قلبك عليا حِقّـد
الله يسامِحك وإسمحلـي=أنساك وأحفظ سنين الوِد

ضاع الوفا بين قيل وقال=من بعد ماهو شديد الباس
لو البشر كُلُهـم عُقّـال=مايحصُل الكُره بين الناس

قلبي على خط نايل سات=مايشتِغِل غير بالريموت
ضعيف مايحمل اللمسات=أقّل لمسه عليه يموت

نزلت بحر الهوى غلطه=أبغى أتسّلى مع أمواجُه
لكِّني أمْسيت في ورطه=من بعد ضيَّعت مِخراجُه

ماهو ضروري تكلمني=أوتتصِل بي على الجوال
إرسل رساله وطمِّنـي=سِعر الرساله برُبع ريال

رغم القرار الذي قدّمـت=بأفُضّها فالهـوى سيـره
كتبت لُه في جدار الصمت=أحرُف من الشوق والغيره

المرء ماينكِـر الواقِـع=ولابُد حُكم الزمن يرضاه
لايجعل الغطرسه دافِـع=للـي يريـدُه ويتمنّـاه

الناقص يقـول .. مايفعـل=دايم في درب الخطا مدفوع
والعاقـل اليـوم لايزعـل=عن الغلط يقفل الموضوع

برمجت قلبي بِكِلمة سِر=والطرف علّم عن أسرارُه
واللي عشقتُه محلك سِر=ماغير يزوِّد حطب نـارُه

بعض البشر مالهُم ذِمه=لاتظُن يعطيك عِلم رجال
اليوم يربُط معك كِلمـه=وبُكره يبيعك بنُص ريال

دكتور جرحي توّحْل فيه=يبكِيه والناس يبكونـي
كُل ماعطاني دوا يحييه=وأشاهِد الموت بعيوني

ياطْى على الجمْر ويدوسُه=حتـى يجينـا أمآكِـنَّـا
ومِن يوم ماكِثرت فلوسُه=نِجيـه مِنّـا يجـي مِنَّـا

مابين نـارك ونيرانـي=إحترت أنْقِّي لقلبي نـار
شوف الهوى كيف خلاني=مرعوب كنُّه عليـا ثـار

أهل المعاني لهم نظـره=وكُلاٍ حسب نظرتُه يطمْح
إن صِرت جمّاح فالكسره=فالقوم لازِم تشوف أجمْح

إن كان جاك الخطا مِن ناس=في حسابها تجهل حسابـك
خلك ذهب والنحاس نحاس=أنصحك لاتحرِق أعصابـك

قِـدام لاتكسِـر الـجـرّه=وقولك يغالِطك فإحساسك
أبغاك تصدُق ولـو مـرّه=وتاخذ مشورتك مِن راسك

أنا والأحزان داخِل سـور=عالي ومبني عليه سيـاج
ومِن يوم بان الأمل والنور=تقّفْـل البـاب والمِخـراج