ياكبير الوطن يبقى كبير الكبير=في يمينك سلام وفي يسارك بارود
لك شموخ الجبال ولك جبال العسير = ولك اسود العرين ولك عرين الاُسود
مايهمك كبير ولايردك صغير = كل شئ طال عفوك غير شبر الحدود
ياصديق المواطن ياشقيق الامير =يامليك القلوب الشعب خلفك جنود
العدو ياطويل الباع باعه قصير =الوطن روحنا من دون شبره تذود
العدو لو نواه يروح دمه خرير = الوطن ذرة ترابه تفوق النقود
في شماله خفير وفي جنوبه خفير = و شرق فيه المصانع وغرب فيه الوفود
عشت ياباني بيوت الترف للفقير = عشت ياخادم بيوت الإله الودود
كلنا تحت أمرك وانت فينا الكبير = كلنا شعب واحد كلنا أل سعود