نار اضرمت في داخلي حرها نار=وزاد اللهيب ورحت همي طريته
جوفي سكن في داخله جمر وأمرار=بركان فاير بيتفجر خفيته
همي طغابي بعدها سرت محتار=يومه غزا فالروح لا ماحويته
سارح بفكري يوم ضيعت الافكار=مخفي جروحي يوم جرحي نكيته
مرعوب متصدد من الخوف منزار=كل ماعليه يزيد وغمي محيته
القاه يرجع ويتلذذ بالاوزار=ويعيد لي الصاع لين ارتويته
متشبع قلبي من الغل جبار=والضيم هايم به وساكن في بيته
محشوم ضيفني كريم وبي بار=قدم تقاديمه وجوده لقيته
خلاص يادنيا ابا استرخص الجار=باودع اهلي وصحبي الي خويته
ياما رجيتك لكن الحال ضرار=صعب احتمل ياكيف جرحي هويته
سرت افقده لاغاب وليا لفا مار=ارجاه يبطي واتونس فديته
يازينها حزة وفيها الحكي دار=تارة يمازحني وتارة سقيته
من دمع عيني يومها الجرح بي غار=مسقوم ابكي ارتجي من بغيته
يسأل عليه والزمن حيل دوار=صرت اتصبر لين صبري بكيته
وانا عليه يزيد عزمه وباصرار=يرجع عليه يعيد كل ماطويته
قاسي ولا يرحم و شكله يبي ثار=ابغاه يخبرني وش الي جنيته
يومه عزم بالحرب ماحط مقدار=يهجر وينسى ويبتعد ماقويته
برفع انا الرايه وباسلم الدار=باستسلم وبعلن بعد ماوفيته
يادار سلمتك وانا نسل الاحرار=درب اعوفه اقسم اني نسيته
ولو ابكي بدمي على مر ماصار=والله لبعد واترك الي نويته