البيرق المنصور=
سلام ليت الحجيري فيه = ياخذ ويعطي معي فالرد
ويكمل الطيب ويوافيه = وانا معه بالموافا ضد
حفيدالحجيري=
حاضر وترحيبنا نبديـه = ترحيب ما ينحصى ويعد
واللي يمد الوفا نوفيـه = ما عندنا إلاّ الوفا له مد
البيرق المنصور=
تبقى وهيا معي نمشيه = ونحيل ياصاحبي منجد
لو العرب كلها توحيه = ماهمني فالزعامه ند
حفيدالحجيري=
هيا ابدع القاف هيا ابنيـه = وابشر بـبنياً ما يقبل هـد
من لا يعرف الصقر يشويه = والبحر يا صاح جزر و مد
البيرق المنصور=
انا اعرف ان الشعر راعيه = مثلك مابين الصقور يعد
وش قلت فاللي نزل واطيه = من بعد ماكان فوق المجد
حفيدالحجيري=
الشعر يا صاحبي يكفيـه = شرواك رجلا عريب الجد
ما ظنتي من رقى عاليـه = للدون والواطيـه ينحـد
البيرق المنصور=
المشكله اوقاتنا يابيه = حر فيها وفيها برد
وعنده بطاطين ماتغطيه = كل ابوها ماتاجي قد
حفيدالحجيري=
في حاضر الوقت و فماضيه = اليوم الابيض بعـده اسـود
والي من المر مـا تسقيـه = فيحلوها ما أعتقد يسعـد
البيرق المنصور=
وآوجد روحي على تاليه = والمزح ماهو سوات الجد
وحبيس حاله غدا معضيه = لا دس رجله تبان اليد