المشاركة الأصلية كتبت بواسطة بن هديبان

البارحه عيني جفا النـوم موقهـا=يالين شمس الصبح بين اشروقها
يومن بعض الناس غافي ابمرقـده=نفسي من الظيقه تزايد حروقهـا
وقتن يذوقنـا حـلاه اومرارتـه=والعين ماتشكي من للي يشوقهـا
العمر رحله والزمـان اوهوايلـه=هاذي هي الدنيا وهاذي طروقهـا
ياماخـذت مـن رجالـن نعزهـم=ياما اصبحتنا واغبقتنـا غبوقهـا
من يفعل الحسنى يجازي بحسنـى=أقولـه ورب المخاليـق فوقـهـا
الوذبـك يلـي عبـادك تلوذبـك=من شلتن بالناس تلوي شدوقهـا
ذم المقفـي عيـب والله محرمـه=والناس بالافعال تعـرف افروقهـا
والناس نعرف زرعها من حصادها=وللي له ابظاعه جلبهـا بسوقهـا
والخاسر للي مايحسـب لمخرجـه=رجله على الزلات مطلق اسبوقها
ترى الحمول اجمالها للي تشيلهـا=والطيبه راع الـردى مايحوقهـا
رفقيك للـي بالشدايـد يلازمـك=يشيل حملـك والعـرب مايبوقهـا
وان كان مال الرجل فعلن ينومسه=الوقت له جمـره لابـده يذوقهـا
والمرجله ماكـل رجلـن ينولهـا=تصعب على للي مايوفي حقوقهـا
(من لايحوش المرجله في شبابـه=اليا انتحت قد قيل صعبن لحوقها)
والخاتمـه يالله تغفـر ذنوبـنـا=بقدرتك يسـر الليالـي وعوقهـا