مضحي بن جمران
اليا انشغل خالد فهد تعـال ياحمـد فهيـد=وليا حضر واحد من الوافين -رفرف ياعلم
كلٍ يود الشاعر اللي نظرتـه دايـم بعيـد=وليا تياسر درب راح ايمين -رفرف ياعلم
خالد فهد الحربي
مادون ابن عمي شغـل والله يدبرمايريـد=من يوم سقت القافله بهوين -رفرف ياعلم
كم لي وانا ليلي كذا ياراعي الثوب الجديد=وانته تفرجبي مع السيدين -رفرف ياعلم
مضحي بن جمران
انته وابن عمك مفيد عساك منه مستفيـد=حمد سوات السيف ابو حدين -رفرف ياعلم
البارحه يوم الرسائـل مستمـره فالبريـد=نقول كان الوارده ثميـن- رفـرف ياعلـم
خالد فهد الحربي
انا وبن عمي سـوا منـزال وإلا بالشديـد=وانته وبن عمك ثنين الثنين -رفرف ياعلم
البارحه تكما عليه والخبر ماهـو بااكيـد=والوارده والصادره بالسين -رفرف ياعلم
مضحي بن جمران
محشمينك يا عمر ولخاطرك محشوم زيد=واللي عليه ديون لوفى الدين رفرف ياعلم
الظاهر ان البارحه خمتك عنا ام العبيـد=وان فارقتك ام العبيد تزين رفرف ياعلـم
خالد فهد الحربي
الغيض رجلٍ يكضمه باخر طريقه يستفيد=ياراعي الهوجا لها روحين رفرف ياعلـم
لوخمني ماقلت شفت الروس باسيف التليد=مثل الزبيدي طايحه من حين رفرف ياعلم
مضحي بن جمران
كلٍ يعرف ان الحديد الصلب فله بالحديـد=والذيب يرقد مايغمض عين رفرف ياعلم
سيفك ياخالد تحسبنه في يدين ابن الوليد=ماهي بعيده تستحل الصين -رفرف ياعلم
خالد فهد الحربي
الاوله في فالها والثانيـه تصحـا الرقيـد=والثالثه ولعبهـا بنزيـن رفـرف ياعلـم
سيفي تخبره يوم واق الريع هارون الرشيد=وانته وغيرك من رجال الدين رفرف ياعلم
مضحي بن جمران
ياللي نزلت السوق وانته تاجر عندك رصيد=ليا نظرت اسمك مع الدسمين رفرف ياعلم
ماهو بهارون الرشيد ولا تسميه الصديـد=واحد من الاقزام واسمه شين رفرف ياعلم