من عاش بالدنيا ولاطاف ماشاف=ماكل من عاشو تراهم يشوفون
من لاوطا باول شبابه ولاطاف=ان ماحيا في هون بيموت في هون
كم من شباب احترت تلقى له اوصاف=حرً ولد حرً له الكايد يهون
كم شايبً لولا احترامك للاعراف=ودك تصك بجبهته درزن صحون
والمرجله ماهي لخلق الله اوقاف=من لارفع راسه لقا من يدوسون
ماكل من نادوه بالناس نواف=نايف عن الهزلات والغث والدون
وانا الذي لاجيت ماجيت حوًاف=اقلط على الجزلات وابليس ملعون
واللي ليا رحنا نهق فوق مشراف=وليا حضرنا صك حتى التليفون
ماهو على دربي ولامنًه خلاف=متساويً عندي مع افلام كرتون