البيرق المنصور=
سلام والقصد والغايات = الطيب والعز والنوماس
على كذا نبدع الابيات = ويشاهِدْونا جميع الناس
حفيدالحجيري=
ترحيب من صافي النيّـات = والقدر مرفوع فوق الـراس
هات الذي في ضميرك هات = يا منجم الـدرّ والألمـاس
البيرالمنصور=
تبقى ويا ابرك الحزات = جيتك فالماد ياقرناس
وقلبي تزايد به النبضات = مع كل ما ذعذع النسناس
حفيدالحجيري=
للطيّبه نسـرع الخطـوات =وتْشُوُش الأفكار والهوجاس
لعل قلباً شكـى اللوعـات = باسه قوي ما يصيبه باس
البرق المنصور=
فالطيب مانهدي السرعات = بسياس دامك معي بسياس
وانا تراني ياذيب سوات = الناس اللي لهم احساس
حفيدالحجيري=
ما أذمكم من هل الطالات = واحنا لنا النايفه نبـراس
لأهل الوفا نوفي المدات = بقياس دامك معي بقياس
البيرق المنصور=
ان كان ماتسمح الساعات = تاخذ معي فاللحن مرواس
روح معك كامل الاوقات = وانا انتظر لك مع الجلاس
حفيدالحجيري=
معاك فالسهل والصعبات = ما نشرب ألّا قراح الكاس
ابدع ولك مننا الجـزلات = ما قام بنياً بليّـا سـاس
البيرق المنصور=
قدمت معروض بالشكوات = فيديك ماهو مع الحراس
والياه مضموم فسجلات = عليها دار الزمان وحاس
حفيدالحجيري=
معروضكم ما علينـا فـات = ولا جفّ حبره على القرطاس
إلّا وجتكـم بــه اِفــاداتوت = وقيعنـا بآخـر الكـراس
البيرق المنصور=
ماقلت ماجاتني فتوات = لكن منته بحالي حاس
لانته قلت الغناوي جات = ولانته منير على افلاس