المشاركة الأصلية كتبت بواسطة سالم العرم

ياسامر ابا اشكي لك اليوم حالي = واكشف لك اللي بين الاضلاع مقبور
من شان ما تزعل اليا شفت بالي = ماهو معك وتقول يابوي معذور
اجاملك وانا سهير الليالي = تقول يضربني على القلب ساطور
من كف جزارن من الهم خالي = بعيونه يشوف البشر تقل عصفور
يموت من شوفه قوي الرجالي = وشلون من غربل به ايام وشهور
جاني وابا اعلمك وشلون جاء لي = جاء لي بعد فرقا قريبن على الفور
قريب ما مثلها من الناس غالي = احبها واموت فيها ومسحور
حشمة عرب معدن ذهب راس مالي = بستان فيه ظلال واثمار وزهور
شمسن تنور في ظلام الليالي = تمدني بالعطف واللطف والنور
حلو النبا نبع الصفا ماه حالي = يروي عطش قلبي باحاسيس وشعور
بلسم جروح الله عطاه الكمالي = دكتور لكن ماهو ايات دكتور
في حضرته نفعل ذنوب وتشالي = وفي غيبته كم ذنب ما هو مغفور
هذا قليلن من كثيرن طرالي = وحبيت اوضح زبدة العلم بسطور
ابا اوصي الاصحاب ووصي عيالي = الأم تحت اقدامها جنت الحور
قم واغتنم فرصتك قدم الزوالي = ترى الحياة دروس والعمر محصور
ويا الله يا والي على كل والي = اغفر لنا لصار من عندنا قصور