حياكم اله جميعا اللغز صابه غدير الوهبي وثامر الحصين صحت السنتهم
مضيف ثليم في اوائل منتصف القرن الماضي اقامه الملك عبد العزيز للقادمين للرياض
وصار لمن اراده ويديره عبد اسمه اثليم وعلى بابه عبد اسمه خريمس وهو قريب من
البطحاء شمال شرق وهناك حارة تسمى باسمه وهو لم يعجب مرتاديه
فقال بعضهم :.
يافاطري ذبي الفرجه = خلي خريمس على بابه
لابد الايام منفرجه = والحر يشبع بمخلابه
وفال آخر:.
يالله ياللي تنش الغيم = رزاق عبد طلب ربه
تعوضنا مصرف بثليم = وتوسع الرزق ونكبه
ليا شفت بابه يجيني ضيم = يعنك ما قلبي محبه
ويسخر آخر من رفيق له فيقول:.
اشتغل يومين وحصل له ثلاثه = واشترى له كرهب يازين ضوحه
العشاء بثليم والمرقد دماثه = جعل شيّال الملا يشتال روحه
والكرهب يعني الكشاف كانوا يشتغلون بالرياض اليوم بريالين او ريال والبناي بثلاثه
وهم في حالة الحمدلله اللي غيرها