المشاركة الأصلية كتبت بواسطة عبدالله الحنيحني

نركض وراء الدنيا سوات المشافيح=وندور المكسب بـهـذي وذيــــه
مانقتنع لو كان بالعلم تصريح=إن المرازق عند رب البريه
ويلي بها الدنيا تبي هبت الريح=أشفق على أهل الطيب وأهل الحميه
خاو الرجال أهل الوجيه المفاليح=أهل الشرف وأهل العلوم النقيه
اللي اليا ضاقت عليك المباريح=وتصك صكت مابين جرف وحديه
قاموا وزفو لك جميع التفاريح=وتيسرت مابين صبح ومسيه
بعون من بيده جميع المفاتيح=مقدرا للعبد يوم المنيه
أخير من شوف الوجيه المكاليح=اللي على نفسه يجيب الخطيه
لانافعا نفسه ولابه مرابيح=إما بلاك بشر وإلا أذيه
نوخ ركابك والليالي مدابيح=ولاتستوي دنياك مع كل شيه.