=أحمد المحياوي
قدام لا أشكي السلام ابداه=حيث إنها سنة الإسلام
ولك حرف متميز بمعناه= وقت اللزم ينصف الأحكام
=فواز الزويهري
ترحيب ثابت على مبداه=لهل الوفا نرفع الاعلام
والذيب يبدي لنا ما جاه=حتى عنه نجلي الأعسام
=أحمد المحياوي
بسألك كيف الفؤاد ابراه= مجروح ما استحمل الآلام
ومن كان له يد ما أقساه=علق حياتي معه باوهام
=فواز الزويهري
لعل جاله سبب واعياه=خليك دكتور للأسقام
ومكتوب من يمكم يقراه=يمكن يحقق لك الأحلام
=أحمد المحياوي
وين السبب لا بحثت القاه=وضح لنا لو رؤوس اقلام
أرسلت بالنص قلت اهواه=واخفيت ودي عن الظلام
=فواز الزويهري
روح اطلب الود في مرباه=واختم على مقصده باختام
وإن كان عنك يجذ رشاه =انساه واحكم عليه اعدام
=وياصحابنا سامحونا