ملتقى قبيلة حرب الرسمي - عرض مشاركة واحدة - رقم(980) %ذهبي%لغز متعوب عليه محلول ( الذي قل 100 نفس ودخل لجنه) من والد الحصني كفو

11-05-10, 12:18 AM


	المشاركة الأصلية كتبت بواسطة مضحي بن جمران


	صح الله لسانك يابو هليل ولاهنت على الاهداء الجزل والثمين انا ارتكبت خطا غير مقصود وبدل الاقتباس دخلت بالتعديل والاضافه ولا انتبهت الا متاخر لكن اعترف بالمخالفه واعرف قيمتها وهي خمسة الغاز وان شاء سوف اسدد هذه المخالفه عن قريب اما رمعتي هذه المره وش رايك بقصة الحناكيه اللتي تناقلتها الصحف بعد ماتنازعو على رعاية والدتهم المسنه الله يبيض وجيهمم بهذا الفعل الطيب والمشرف لكل القبيله وماضربوه من اروع الامثال بصلة الرهم والموده والعطف على والدتهم الله يجزاهم خير الجزاء على هذا البر

اول شي مسامح يابو احمد وانا داري انه خطا غير مقصود لكن الجزا مادامه خمسة الغاز انا والله العضيم اني اشفق على الغازك لان الغز يعتمد على عنصرالتشويق بالاضافه الى الاساسيات وانت لديك هذه الموهبه لذلك ماني مسامحك حبا في ماتقدم ثانين القصه انا سمعتها وتاثرت جدا وابكتني كثيرا وسمعتها في برنامج تلفزيوني فهذا هو بر الوالدين الذي يدخل صاحبه الجنه وكان في هذا البرنامج امراه تتحدث وتصيح وتقول ان ابني يضربني وقد كسر لي ضلعين لقد احزنني هذا المنضر يابو احمدفهل يوجد انسان بعقله يضرب والدته ولاكن اتوقع ابنها من مدمني المخدرات والامايعمل هذا العمل لان المخدرات ومايسكر تخلي الرجل مثل البهايم علمن بان البهايم لديها الرحمه الله يرفع عنهم ولايبلانا واقول لاهل الحناكيه الله يطول باعماركم فعلكم يبيض الوجه دنيا واخره ولي الفخر انهم حروب ومثل راع الفعل هذا واجب من الشعار تمجيده واشهاره وبر الوالدين من افضل اعمال الدنيا هنيا لمن والديه حيين ويكبرون عنده ويبرهم لان من بر والديه حرمت عليه النار والي عاق بوالديه ان الله عطاه عمر والله غير يسوون عياله فيه مثل ماسوا بوالديه هذا جزاه بالدنيا والاخره اشد واشد ومادام فتحت الموضوع يابواحمد اقول لكل واحد يدري عن شخص عاق لوالديه ان ينصحه واذا كان مايقبل النصيحه ان يهجره ولايسلم عليه وان يحتقر من جميع معارفه وان يوصي الاخرين باحتقاره حتى يعود الى الصواب اخير يابو احمد بالنسبه للغز تمنيت يكون هذا الحل لاكن الغز بعيد عن هذه الرمعه