ابن وازن=
يامركز الفـن والابـداع = سـلام يافـن وابداعـه
على الهواء افتح الميذاع = اخوك يشكي من أوجاعه
سعد جبر=
ترحيب مثل اول المربـاع = لا بـان طلعـه ومرباعـه
هات الخبر والدروب اوساع = والجدي معروف مطلاعـه
ابن وازن=
وافي وتبقى علينـا شعـاع = يامصـدر النـور وشعاعـه
حال الأسى جمهر الاوضـاع = واخلف معي الحال واوضاع
سعد جبر=
الوقت يـا صاحبـي لـوّاع = شينـة مباديـه واطباعـه
لاتعيش هذا الزمن في صراع = وتخلـي اليـاس شماعـة
ابن وازن=
نمشي مع الرأي بالاقناع = وكلن لبس وجهت أقناعه
دام الشكل كامل الاضلاع = ما ينقص الرأي فضلاعه
سعد جبر =
المكتوي لو قنع ما طـاع = لو طاع ما يوقف اصداعه
والشكل يا سيدي خـداع = لا يغرك ان شفت لماعـه