البحتري=
سمعت جرتـك مذكـورة=وسط البلد بعد طول غياب
قلنا من الواجب نـزوره=وندق حتى يفـك البـاب
ابو معروف=
ترحيب والنفس مسـروره=باللي عنالي من الاصحاب
ومثلك يشرفنـي حضـوره=وملفاك نحسب عليه حساب
البحتري=
بعد انتهى وانطفى نوره=عود يبا ينثر الاعجاب
وسوى لنا فالبلد ثوره=كنه ابوزيد00ولاذيـاب
ابو معروف =
اهل البلد فيه مذكـوره=ومفهرسه كلها فكتـاب
واللي بقى يكمل الدوره=واللي سعى للعلا ماخاب
البحتري=
ماقلت مانشكي قصـوره=ولانقول وفى لنا الاطلاب
خلك معي داخل الصورة=وحنا فحكمتك مانرتـاب
ابو معروف =
تبقـى معانيـك محصـوره=ومقصدك فالفارس اللي غاب
يمكن بعد قسيـت دهـوره=وربي كتب للمعـاد اسبـاب
البحتري =
دوبك تنبهـت للكـورة=قدام تاصل لحلق البـاب
ومن عاد بعد انتهى دوره=من وصله قمة المرقـاب
ابو معروف=
الـدار بالطيـب مخبـوره=وللضيف عند الكريم اوجاب
وللضيفـه ايـام مقـروره=ومن بعدها ماعليه عتـاب
البحتري =
نصبر والايام منظـوره=وتبين اللي عليه حجاب
امـا قبلنـا بمنشـوره=ولا اعترضنا على ماجاب
ابو معروف =
اصبـر ولازم يـجـي دوره=ومواجهه ماعنـه مجنـاب
باقي لـه حسـاب فاتـوره=واسمه مسجل فكشف حساب