خالد بن عبيد ألأحمدي
في منتدى شاعر ٍ مخلص لجمهوره =صان القصايد وصان الشعر فبحوره
حتى وصل صيتها في كل معموره =( من بادي الوقت هذا طبع الايامي )
/
/
الا يامنتدى شاعر ربط صيته مع المليون=سلام ٍ صدّره خالد يفوح بطيب ريحاني
انا ماامشي مع الطايش ولابمزح مع المجنون=ولوان الوقت يحداني قضيت العمر وحداني
/
/
/
ابراهيم العنزي
في منتدى شاعرٍ معروف بابياته=بالطيب و العز و التقدير عاداته
معروف من ماضي الاوقات حزّاته=(من بادي الوقت هذا طبع الايامي )
/
/
هلا عن منتدى شاعر هلا عن ناقدٍ موزن=تراحيب المطر و السيل بعد بروق و امزاني
سرا ليلك و هات العلم هاته طاعن و مطعون=ولابه رحمه و ماويةٍ في بعص الاحياني
/
/
/
/
خالد بن عبيد ألأحمدي
المعركه حاميه مابينك وبيني=وكاس الذهب مايجي قسمه للاثنيني
والمجد ماجابته يالليل ياعيني= ( من بادي الوقت هذا طبع الايامي)
/
/
ليا منّه لقا موسى طغاة السحر مع فرعون=نصره الله من عنده وراح الشر خسراني
واشوف الناس ياصاحب تهاب الفرس مع صهيون=فلا صهيون حقاني وبعض الفرس خوّاني
/
/
/
/
ابراهيم العنزي
المعركه ماانت قد المعركه لازم=بانك تريح و تقعد ماانته الجازم
قدامك الوايلي ثابت وهو حازم=( من بادي الوقت هذا طبع الايامي )
/
/
/
/
ليا منك لقيت الشاعر الغادي عساه يهون=اقوله باول الميقاف مبدع مير فالثاني
اشوف الناس تنظر للعرب لاكنّ دون عيون=واثر كل العما فالقلب ياربي لاتبلاني=
/
/
/
/
خالد بن عبيد ألأحمدي
انصحك ياوايلي لاتاقف ابدربي=انته تهقوى ولنته هازم ٍ حربي
انشد شيوخك قبل تنصاد ياالذربي=( من بادي الوقت هذا طبع الايامي )
/
/
انا لاقيت لي شاعر حرف نهجه عن المضمون=ادلّه دربه الشامي توجّه لام درماني
مدحنا بالعرب يومن قوتهم بسيف وشون=لكن اليوم في علمه تهقوى كل نصراني