السلام عليكم ورحمة الله وبركاته
أطرح لكم جديدي المتواضع
عسى أن يحوز على رضاكم
ماهو بنا اللي تجذبه ريحة الطيب=ولاهو أنا اللي تلفتين أنتباهي
نفسي هواها معتلي بالمراقيب=واللي طلبته ديننا عنه ناهي
قالت هوى نفسك بنات ٍ رعابيب=خل الغلاء عنك ترى الجسم راهي
ماكنك إلا شايب ٍ مكتسي شيب=طول العمر جالس مع الهم ساهي
قلت الهوى ماهو دروس وتجاريب=نفسي عزيزه ياهوى كل لاهي
بنت الرجال اللي تعرف المواجيب=يبقى لها ثوب الشرف دوم زاهي
قالت عسى شمس الحياء دوم ماتغيب=أتوب للوالي ولارجع متاهي
أنا أشهد إنك راجح العقل ياذيب=أنقذتني من قبل حب المضاهي
روحي ترى الدنياء دروس وتجاريب=ومن عز نفسه مابتلش بدواهي