وبل الغمام=
سلام والقلب به حره = ياصحابنا والحشا ملتاع
واخاف لن زاد بالمـره = نيرانهااا تحرق الاضلاع
بخيتان البشري=
ترحيـب حـزة بهـا قـره = يالصاحب اللي شكى الأوجاع
الله يكافيـك مـن شــره = قلب المعنـا وش اللـي لاع
وبل الغمام=
دام البقا واسمع النشـره = وهذي ترى حزة المفزاع
وش حيلة اللي زرع بذره = ولما نمت كل جهده ضااع
بخيتان البشري=
زرعك ويامـن زرع ذره = لأجله رياح الزمان انواع
المتقي مانفـذ صبـره = الله حصد قبل يالـزراع
وبل الغمام=
ربي أمر وانتهـى امـره = نافذ على الكل بالاجماع
والمتقي لو نفـذ عمـره = أهون من الصبر والاقناع
بخيتان البشري=
المبحر اللي يبـى بـره = على سفينة بدون شراع
صوت الآسى احذر تجره = من يشتري ماقفه ماباع
الصابـر الله مـاضـره = ومعوضه بالأجر بإرجاع
لله يـاصـحـبـي دره = اللي لمكتوب ربه طـاع