ياصغيـر لاتهمشنـي كــذا بالـمـره=والله انك في عيونـي ياحبيبـي غالـي
الجفا بالله طلبتـك فكنـي مـن شـره=ماوراه الا السهـر والهـم والغربالـي
لاتحد اللي على العالـم مابيـح سـره=يشتكي للنـاس ثـم تفرحبـه العذالـي
مال غيرك من غلا لوكان كبـر الـذره=والغلاء وهبه من الله وانت راس المالي
كل ماتطري علـي السلهمـه والغـره=قام قلبي يصتلي من فوق جمرن صالـي
الهوى ماكنت افكر فـي حـلاه اومـره=لين شفته قـام يدمـر حالتـي عزالـي
مادريت ان الهوى للعاشقيـن امظـره=لعنبوه اثره عـذاب ويذبـح الرجالـي
الظماير من جفـا حلـو النبـا محتـره=صابني ماصاب قيس ومرشـد البذالـي
انشدو حرباش يومن الهوى قـد كـره=وش دوا اللي جرعه درب الهوى سلالي

ياصغير السـن قلـب امتيمـك لاتجـره=من على شوك الهراس ومن طمان العالي
سلكو درب المعنـا كـان تبغـى اتبـره=قبـل لايكثـر عنـاه ويعتريـه اهبالـي
لايجي قلبك قساوي مثـل حيـد الحـره=اعزمو سلطـان لونـه علـى الفنجالـي
يامـدور جرتـن تعيـي خبيـر الـذره=جرتـن ماشافهـا مـري ولامنهـالـي
يرحـم الله والدينـك لاتعـيـد الـكـره=لاتذكرنـي زمانـي يـوم انـا خيـالـي
قلبي اللي كل طيفن مـن شمـال ايفـره=فرت المعصير لاعنكب وجـاء متوالـي
سبة اللي وجنتيه امن الخجـل محمـره=مايغطيـه الحجـاب اولاسـواد الشالـي
الصواب اللي لحقني من شضايا الجـره=قبلي العشاق صوبهـم مانيـب الحالـي
ياوجودي وجد من شاف الضحاح اوغره=في لهيب القيض حاديه الضماء والاالـي