يا ابلغ كلامٍ ذاب في صفحة الصمت = وعمرٍ طفى بالوقت شمعه وشمعه
ماعاد ينفع لو شرهت وتكلمت = وآخر جهد في محجر العين دمعه
لو الندم ينفع شكيت وتندمت = لكن سراب وغر عيني بلمعه
معذور لو ضاع الكلام وتلعثمت = موت الشجاع اخف من هل دمعه
كان اعتقادي جد واثري توهمت = رمعه وضاع العمر باسباب رمعه
ياما بتحقيق الاماني تحلمت = ومات الامل واللي جمع ضاع جمعه
لو من كثر طقات وقتي تعلمت = عادي بعد ضاعت من يدي طمعه
اكذب على نفسي لو اني تألمت = أدرا العدو واسلوب شمته وقمعه
معزتي تكرم عن العذل والشمت = وش قيمة الانسان من دون سمعه
على شموخ النفس والعز يممت = نورٍ يشعشع كل ما مر جمعه
الشاعر عوض عواض الغيداني