الموضوع
:
|| مصافحة اولى ||
عرض مشاركة واحدة
24-04-10, 11:03 PM
#
6
مستشار القوافي
المشاركة الأصلية كتبت بواسطة سآمي الوسيدي
السلام عليكم ورحمة الله وبركاته
تقبلوا مني هذه المتواضعه واتمنى ان ترتقي بذائقتكم الشعريه ...
ياشينها لاشفت غبنك من رفيقـن لـك قريـب=تضيق بك وسع الفجـاج عراضهـا وطوالهـا
وياشينها لاصرت بديار العرب مثـل الغريـب=لو تلفحك لفحـة سمـوم القيـض ماتقوالهـا
تصير مثل الي ينـادي مالقالـه مـن يجيـب=أيـس وقلـة حيلتـه والحـال مـن يبرالهـا
ياهاجسي ما للحبايب في دواء حالـي طبيـب=مغير طب الـي خلقنـي هـو عليـم بحالهـا
وكم واحدن يرجي من الدنيا توفيـه النصيـب=ولاعاد له قدره مـدام الله كتـب لـه جالهـا
وكم واحدن شاف الخطا ثم قال للمخطي مصيب=جاهل ولا يـدري بهـا الدنيـا ولا بأحوالهـا
وكم دمعتن ياصاحبي هليتهـا وقـت المغيـب=وجهتهـا يـم الشمـال وخاطـري يدرالـهـا
وكم ضيقتن عالجتها وهي بصـدري كالهيـب=أبطت وانا صابر عليها علنـي مـا أشتالهـا
انا جزوع من الزمان ان قال هات ولا يجيـب=ولو كان لي حيلـه عليـه بذمتـي لأحتالهـا
ولو كان كلن ياقف لجرحه قبل يصبح عطيـب=ماشالـت العربـان هـم ولحنـت موالـهـا
وش حيلة العاقل إلى من خالفه وقتن عصيـب=يموت وأحلامه تمـوت ولاهـو الـي طالهـا
ماله سوى دعوة إلهٍ في دجى الليـل الكئيـب=لـولاه ماشفـت الخلايـق حققـت أمالـهـا
أخوكم /
سامي الوسيدي
صح لسانك وبيض الله وجهك قصيده قمه من شاعر
متمكن اسجل اعجابي بالقصيده الرائعه والمميزه
التوقيع :
مسروح عظدي والسوالم ذراعي=
=منهم تعلمت الوفـى وصتفيتـه
هم تاج راسي هيبتي والرتفاعي=
=وانا الخطاء لاصار منهم رفيتـه
علي محبتهـم يزيـد أندفاعـي=
=وان قمت عن طيب ربوعي كفيته
سعد المحمدي
مشاهدة ملفه الشخصي
البحث عن كل مشاركات سعد المحمدي