ياطيـر يالـلـي تــرف الـريـش بالـنـودي=ضف السماء لا تذكـر ذيـك الأغصانـي
هاجـر وتلقـى سمـاك أفــراح وسـعـودي=لا تقتـل الصبـح فــي بـحـات الأشجـانـي
أطلـق جناحـك وغـرد مـأنـت مـحـدودي=فـضـاك واســـع يـبــدد كـــل الأحـزانــي
لا تنتـظـر بالرحـيـل النـقـص والـــزودي=دام الـخـطـأ لـلـزمـن لـزمــه وعـنـوانـي
إطعـن حنينـك وكابـر غيـض وعـنـودي=خــل الـثـرى يفـتـقـد هـتــان الأمـزانــي
خل الشجر في مكانـه غصـن مجـرودي=بيـن الريـاح وحفـيـف أوراق الأزمـانـي
وأنـا بـعـد ياسـمـوح النـفـس ملـهـودي=مـن حـيـرة ٍ ما تـفـارق نـبـض وجـدانـي
تعبـت ما شفـت طيـبـة صـبـر منـشـودي=مثـلـك زمـانـي خــذل حلـمـي وعـنـانـي
لقـيـت الأطــلال مــره تـنـشـد عـــدودي=تنشـد ولهـفـة خواطـرهـا عـلـى شـانـي
طـارق هواهـا وقـف فـي بـاب مـردودي=وأقفت وساقـت بـدرب خطـاي هجرانـي
ياطـول سـكـة شـقـاي برحـلـة سـنـودي=يـوم الأمــل ماتـوفـق وأصـبـح الجـانـي
يكـفـي قلـيـل العـتـب لاوافــق صــدودي=يبطـي بوجـه السنـيـن الـعـوج ماهـانـي
غريب وأسكن شموخي وأعرف حدودي=وأقــراء المعـانـي وأجاملـهـا وتـقـرانـي
واليـوم كيـف الطعـون تسـم مقـصـودي=وشلـون تظلـم وتجرح بـوح الأوزانــي