ياشينها لا صرت لناس محتاج=وأقرب قريب ٍ مايفل الحجاجي
يتبعك هرج ٍ ماتحصله أعلاج=يحرق عزيز النفس حرق البواجي
ياللي تحب الهرج لاجاك منعاج=وتسب خلق الله وبيتك زجاجي
تشوف بحر الطيب قدمك ولاهاج=حاول تجنب دام تلقى خراجي
هذي نصيحه قبل لاطيش الامواج=معها بروق أتلوح ومعها عجاجي
هرج القفى ماهو مراجل ومنهاج=ولاحطه الطيب ولا به داجي
والمرجله ماهي على كرسي وتاج=أقولها ياهل الوفاء من مزاجي
وياشينها لاصرت لناس محتاج=تترك قراح الماء وتشرب هماجي