يامحمد دربنا قدامكم مسدوده = مامشاها غير خالد لين وصل اقصاها
لاتقول السالفه من يمنا مرصوده = شاشة الردار عجزت تكتشف مغزاها
ياسحاباً شفت برقه ماسمعت ارعوده = الهوا غير مساره والدير ماسقاها
القضيه سرها لساع وسط لحوده = جاك علمي يالغرابي وانت قص اخطاها
السوالف من جهتنا كلها ماكوده = قطع يسرى شفتها ماساعدت يمناها
الدروب اللي تودي للخطاء ممهوده = ياخساره يوم غيرك للخطاء ساواها
يادروب الخير تالي وقتنا مقعوده = البشر زايد حسدها واللعين اغواها
كل واحد للقرايب محتزم بفروده = اصبعه فوق الزناد وحاجته بداها
من يسوق شعيل يامحمد يجيك يقوده = مير خل السالفه للي عرف يقراها
دون قاصر فيك والرجال من ماجوده = ياحزامي لختلف نهج العداء ورياها