ابوفرح=
جانا خبر من وكالة واس=حصري وبث النبا عاجل
قالوا محيميد في تكساس=ساق البعارين للساحـل
خالداللهيبي=
اهل الابل تتبع النوماس=لو امطرت في نيو كاسل
وحمود واللي معه جلاس=ماظنهم عرفوا الحاصـل
ابو فرح=
ديار الاجناب ماتنـداس=لو غصنها با الثمر مايل
حلاته الزمل للعسّـاس=بين المسيجيد والكامـل
خالداللهيبي=
في اللي مضي يرحلون الناس=والكـل عـن ديرتـه حايـل
دايم علـى ذودهـم حـراس=ولوهو لحد الخطـر واصـل
ابو فرح=
ولى زمان الشقا واليـاس=ولاظن في وقتنا غافـل
ومن لاسمع دق للأجراس=جاته صواريخ من كابـل
خالد اللهيبي =
انا رسمت المثل بقياس = حسب الذي جابه القايل
والباقي اللي عليه اقواس = لابد من شرحه الكامل
ابو فرح=
انا اشهد انك عصابة راس = ماتنكر الحق وتجامل
رميتها بين سلك وماس = الله يجازيك يالواصل
خالد اللهيبي=
ياعزوتي في نهار الباس= لاخالط الحابل النابل
وقت الحرايب لهم مقباس =سم العدا لطمة العايل
الوضع في مجمله حساس = والشك مابينا زايل
ولابد بني المثل بسياس =خوفا على وضعه المايل