ياصاحبي ماعاد باقي ياغير انت=ودامك جفيت انته ماعاد ابغي الناس
لاتقوللي وش كنت انا وانت وش كنت=بعدايش؟ كني عود حطمته بفاس
ليتك على قسوتك للحين مالنت=كان احتمل يومين وانساك لاباس
لكن تجيني عقب مده على النت=وتقولي فاقد شعورك والاحساس
والله عجزت اقولك بنت يابنت=حبي ترى ماهو مثل قطعت الماس
تشريه لازانت لك اوضاعك وزنت=وتبيعه لياخفت فقرك ولافلاس
كفرت بك ياصاحبي بعد ماامنت=ان الفراق يزيد من فرصة الياس
وان الغلا لوتغلق القلب باسمنت=يطلع ويرجع مثل ماتطلع انفاس
صحيح قبل العام من حبك ادمنت=والعام ذا لوتنتحر مااشرب الكاس
مدري زمانك شان ولاانت به شنت=عراك عقب الستر ثم غدرك الباس
واليوم شفني بعد فرقاك كفنت=حبن قديمن ماجلب غير الاتعاس
ابدفنه في مقبرت كنت ثم فنت=وابعلن اسقاطه من العين والراس
واقول انا قررت من بعد ماعلنت=اني ماعاد امن ولااخاوي انجاس
ماامنك لو من بغتت اعداي امنت=ولاامنك لو بتبدل الساس في ساس
والله يلو شفتك بعد وضوك اذنت=ماامنك لاتترك صلاتك ياهلاس
ياصاحبي لاهنت لاهنت لاهنت=بعد عن دروبي ترى العرق دساس