المشاركة الأصلية كتبت بواسطة صقر المراقيب

خالد بن عبيد=
سلام يرجـح بـه الميـزان=ياصلك ياصافـي الروحـي
خالد سميي رفيـع الشـان=محسوب من حرب مسروحي
خالد اللهيبي=
يامرحبا ياصقر شيهـان=من بال صافي ومشروحي
يالسالمـي كلنـا اخـوان=تفداك وقت الطلب روحي
خالد بن عبيد=
بعطيك دعوى على برهان=ملزوم تنصت لي وتوحي
ليه شجا موقـد النيـران=في قلب عاشق ومجروحي
خالد اللهيبي=
دامك شكيت الهوى باعلان=مالك من الصمت مصلوحي
وضح وخل العلـوم تبـان=والرمي لايخطي الشوحـي
خالد بن عبيد=
شكيت فرقا غصين البان=غرو ٍ من الناس مملوحي
عكّر لنا صفوةالازمان=وقت(ن) قضياه بمزوحي
خالد اللهيبي=
لو مابداله سبـب ماكـان=من فرقته صرت مجروحي
ولاكان يبدى لك الهجران=ولاكان تبكيـه وتنوحـي