يــاراكـب اللي شـفـوته تـشـرح الـبال= رنــج ٍ مـوازيـن الـصـنـاعه قـلـبها
أخـر مـد يـل ٍ لـونـه أبــيـض كـما الآل= راع الـولع والصـنف روحه سلبها
مـن مـصـنع ٍ بـنـقـلـتـرا يـذهــل ذِهـال= قـمـة فـخـر فـن الصـناعه سـحـبها
مـن فـن صـالة مورسـدس عالي العال= اخـذ عـلـيـه الـشـهـره اللي كسبها
وغـطا على الـيـابـان في كـل الاحـوال= ومـصـانع امـريـكا تـلاشى طـلــبها
هـو الـوحـيـد اللي بـالاسـواق يـخــتال= كـنـز ٍ يـســلـّـم فـيـه غـالي ذهــبها
ذهـب ذهـب ما هي سـوالـيـف ياعـيال= وشــريـان صـنف ٍ للحياه وعصبها
مركب سـلاطـين العـرب ذات الافـعـال= اللي لهـم شـان ٍ بـحـزت غـضــبـها
مـا هـو خـسـاره ما ندفع فـيه من مال= ملكــه طـرات الـنفس غاية طربـها
مـواصـفـاتـه من ورا الوصـف بهـبال= عـجـايب اوصوفه من اكبر عجـبها
مـا فـوقـه إلا ســأيــقــه طـيـب الـفـال= حـر ٍ عــلـوم الـمـرجـله قـد شـربها
يمشي عـصر مع مـيلة الـظـل لا مـال= اللـه يـــجــنـبه الـعــثـور وســبـبـها
من الـقـصـيـم لـعـاصـمة دار الإبـطال= مـوحـدت بـالـعــدل سـايـر شــعــبها
مـنـصاه قـصـر ٍ مـاله بـحـيـه أشـكـال= قـصـر ٍ شـمخ مثل الشواهـيق ببـها
مــا حــط للــبـيـبـان مــزلاج وأقــفـال= ولا صـك بـابـه عـن مـسـير عـربها
شــيـخ ٍ مـضـيـفـه للمـطانـيخ مـدهـال= والـعـود الازرق كـم نـاس ٍ جـذبـها
له مـجـلـس ٍ تطـرب له النفـس ودلال= بـيـض ٍ بـغـاديـدٍ تـســارج خـشــبها
فـنـجالهن يودع خـوا الـراس يـنجـال= عـقـب حـلا حالي حـلا ألغـلا رطـبها
راعـيه شـيخ ٍ عـالي الـمـجــد لـه نال= عـقـب الـرجال اللي عـريبن نسـبها
شـيخ ٍ ولد شـيخ ٍ لـه الطـيـب مـنـزال= الـطـايـلـه ســمهـر مـرامة تـعــبـها
له في سجل المجـد مخـرج ومـد خال= وله بـالـصـداره مجـلس ٍ من كنبـها
ســمـهـر بن مضـيان لـو دونـه امـيال= شـيخ ٍ يـفـك المـنتـشـب من نشـبها
قــلـه ســلام بــثـقــل الإكـبــار وجـلال= وعـطه الـرسـاله وخبره من ندبها
قل يابو مشعل يا عـمى عين من عـال= و يـاعـز مـن نـومه عـيونه حـربها
سـويـت بي مـعـروف يـضـربـه امـثال= دامـت لك ســنين السعـد في رحبها
مـدات جـودك مــالهـا أمــثـال وجـزال= غــريــزة ٍ رب الــمــلا لك وهـــبـها
الطـيـب من شجره لها اغصان وظلال= ومــلـكـتـهـا يــوم ٍ ربـي نــصــبـها
جـزاك رب الـبـيـت في حـسن الاعمال= وحـماك من صال الجـحـيم ولهـبها
وأقــبـل تـحــيـات الــغــرابي بـعـد قـال= من هـاجـس ٍجزل الـقـوافي لعـبـها