عساك ما تسلم ولا يطيب فالك = عساك ما تلقى صديقا يحاكيك
عساك تقضي ما بقيلك لحالك = مانته لحالك غير همّك يخاويك
عساك تخسر كل جاهك ومالك = من وين ما سجيّت تقصر خطاويك
عساك تِكره من صغيّر عيالك = واللي يودّك يصبح وهو مجافيك
عساك بالأمراض و بكل هالك = وعساك ما تلقى طبيبا يداويك
عساك تبكي فقد عمّك و خالك = يموت أبوك وتدفن أمك بأياديك
عساك تِدفن قبل لحظة زوالك = تدِفن و ما واحد من الناس يبكيك
هذا !! اذا فكرت أو جا ( ف) بالك = تبدّل العشره وتخلف هقاويك
من بعد هذا الود تقطع وصالك = من بعد ما علقّتني يالغضي فيك
حرام حُرْمَ الدم والعلم جالك = من قبل ما يلمسك غيري لأذكّيك
أمّا معي تبقى ، حلالي حلالك = وألّا عساني لا أهتني كان أهنيك