المشاركة الأصلية كتبت بواسطة عبدالله الوعد

ياصاحبـي تكفـا كفـا ماعـاد لـي صـدر وسـيـع=انهـارت اعصابـي وانـا بـول متـاهـات الشـقـا
ياصاحبـي تكفـا كفـا فـي خافقـي طفـل رضيـع=عليـه مـن نقـص الحنـان اعـز مابـه واصـدقـا
ياصاحبـي تكفـا كفـا هجـرك علـى قلبـي شنيـع=وشلـون تجفـا صاحب(ن)باالصـد مـنـك ماهـقـا
ياصاحبـي تكفـا كفـا انـا واحاسيـسـي جمـيـع=نسـري وراء طيف(ن)علـى همـة معاليهـا رقــا
ياصاحبـي تكفـا كفـا ذيـك الوديـعـه لاتضـيـع=لاتنتسـي ذاك اليميـن الـلـي لـنـا بــول لـقـا
ياصاحبـي تكفـا كفـا مايندمـل جــرح الوجـيـع=اللـي تجـرع مـن شـراب البعـد كـاس العشرقـا
ياصاحبـي تكـفـا كـفـا مـاعـاد والله استطـيـع=وصلـت حـدي والجفـا باالقلـب نــاره تحـرقـا
ياصاحبـي تكفـا كفـا امـر وانـا لمـرك مطـيـع=الا الكرامـه لـو نضـحـي باالكـرامـه وش بـقـا
ياصاحبـي تكفـا كفـا والـود لـه شــان رفـيـع=استحلـفـك بــاالله لاينـهـار عـهـد(ن) وثـقـا
ياصاحبـي تكفـا كفـا بادلـنـي الــرد السـريـع=ابنتظـر منـك الاميـل اللـي علـى وضحـى النقـا